un chisco sobre...

XOGA

Para promover o galego nas artes

A motivación principal na fundación de XOGA foi a promoción do idioma galego nas artes e a creación de oportunidades para intérpretes e creadores de diferentes disciplinas artísticas.

 

 

Os nosos obxectivos principais son:

    • - Promover o galego e outras linguas minoritarias en distintas disciplinas artísticas
    • - Promover as obras daqueles artistas menos visibilizados
    • - Axudar a creación e a promoción da música contemporánea
    • - Crear, contar e compartir historias engaiolantes cunha amplia e variada audiencia
    • - Facer que a ópera teña un papel significativo no século XXI
    • - Ser artistas comprometidas co mundo e co planeta
    • - Convencer, inspirar e entusiasmar outros artistas para que compartan os nosos obxectivos
e este nome?...

XOGA

do Latin iocari

 

Moitos outros idiomas refírense a facer música co mesmo verbo que usan para "xogar". Por exemplo, en inglés podes xogar ás agachadas e "xogar a pandeireta".  

 

As linguas da península ibérica cando usan un instrumento musical din que o "tocan"... Obviamente, a non ser que che de polo theremin, precisas tocar o teu instrumento para facelo soar... e onde queda esoutro significado que implica a diversión? onde queda o xogo?

 

Quixemos adoptar esa sutileza xoguetona que engaden os idiomas xermánicos e aínda que seguiremos tocando os nosos instrumentos tamén queremos xogar!

 

XOGA CON NÓS!